fbpx

Hvað segja þau sem hafa prófað!

Nýjustu meðmælin

  • Ég fór til Kristjáns  af því að andlega hliðin hjá mér var algjörlega brotin. Ég var brotin á líkama og sál. Ég var ekki búin að prófa neitt annað áður. Eftir nokkra tíma hjá Kristjáni fór ég að sjá lífið í öðru ljósi. Og ég vil meina að hann hafi komið mér aftur á rétta leið. Andlega og líkamlega. Hreinlega bjargað lífi mínu. Ég er algjörlega meira bjartsýn í dag. Líðan mín er miklu betri bæði andlega og líkamlega. Og ég finn að það er alltaf von og tilgangur með lífinu. Bara með því að mæta í herbergið gaf mér ró og frið. Fann mun eftir hvern tíma. Það var mjög erfitt fyrir mig að tjá mig um mína líðan og hvað ég hafði gengið í gegnum til að byrja með. Því ég hef alltaf bara haldið áfram. En þvilikur léttir þegar ég opnaði skelina og náði "andanum" upp á nýtt. Að tala við Kristján er auðvelt og hann gefur góð ráð. Ég er endalaust þakklát fyrir hann alla daga.

    Margrét kristinsdóttir
  • Ég leitaði til Kristjáns þar sem ég var gjörsamlega týnd í lífinu. Vissi ekki hvaðan ég var að koma eða hvert ég var að fara. Ég hafði verið hjá sálfræðingi sem vinnur með hugrænaatferlismeðferð, og það virkað vel fyrir mig. Á þessum tímapunkti þurfti ég eitthvað annað og meira. Ég er ekki lengur týnd, ég fann sjálfa mig aftur, veit hvert ég er að fara og hvaðan ég kom. Ég er sjálfsöruggari og get sagt að ég sé ánægð með sjálfa mig bæði líkamlega og andlega. Ég hef aldrei verið eins sterk áður og með mitt á hreinu. Ég er að upplifa meiri orku, ég er einfaldlega bara ánægð með lífið. Er hamingjusöm og líður mjög vel. Kristján hefur góða nærveru. Hann spyr spurninga þannig að maður þarf að skoða viðhorf sitt betur. Æfingarnar sem maður fær með sér heim - þær virka. Ef fólk er tilbúið að prófa eitthvað öðruvísi ekki bara að sitja hjá sálfræðingi og spjalla þá er Kristján sá sem getur hjálpað. Kristján kom inn í líf mitt nákvæmlega á þeim tíma sem ég þurfti á hjálp að halda. Án hans væri ég ekki þar sem ég er í dag, hamingjusöm, sjálfsörugg, sterk og ánægð með lífið. Takk fyrir að vera til staðar þegar ég þurfti á þér að halda.

    Guðrún Svava Viðarsdóttir
  • Mig vantaði aðstoð vegna þess að ég var í krabbameinsmeðferð og leið mjög illa andlega. Var með mikinn kvíða. Ég hafði farið á námskeið hjá Ljósinu fyrir konur sem voru nýgreindar með krabbamein. Fannst það ekki vera nóg fyrir mig og það hjálpaði ekkert með kvíðann sem var mesta vanlíðanin. Kristján kenndi mér æfingar og ég fékk verkfæri til að takast á við kvíðann. Líðanin er allt önnur en þegar ég mætti fyrst, kvíðinn mikið minni. Er ég því í betra jafnvægi, sem bætir mjög líðanina. Kristján opnaði augu mín á fegurðinni allt í kringum mig, í umhverfinu og fólki. Ég er rólegri og yfirvegaðri, og því örugglega betri í Samskiptum. Kristján er mikill fagmaður og hefur mikla þekkingu og áhuga á því sem hann er að gera. Leggur sig allan fram. Hann er mjög næmur og fljótur að lesa mann. Það er eins og ekkert sé hægt að fela fyrir honum. Ég hef líka mikla trú á heiluninni og held að hún hafi mikil áhrif, sérstaklega á kvíðann. Ég þakka Kristjáni fyrir hjálpina.

    Jóhanna G. Káradóttir
  • Ég fór til kristjáns vegna þess að mig vantaði að byggja mig andlega betur upp. Ég hafði prufað margt en enginn náð svona vel til mín áður. Ég fann árangur mjög fljótlega, eða bara á öðrum hittingi okkar. Núna er ég sterkari andlega og líður betur með mig og það sem ég er að gera í mínu lífi. Vinnan mín er mjög krefajandi og ég finn að vinnan með kristjáni hefur hjálpað mér mikið þar. Þar sem ég get sett skýrari mörk gagnvart sjálfri mér og öðrum. Ég finn að samskipti mín við bæði fjölskyldu og vinnufélaga hafa orðið betri. Ég tekst á við hlutina af meiri bjartsýni og er með jákvæðara viðhorf til alls sem ég þarf að takast á við í mínu daglega lífi. Kristján hefur góða nærveru, tekur fólki eins og það er. Fordómalaus. Hjálpar manni að sjá sjálfan sig frá ýmsum sjónarhornum og byggir síðan upp á því jákvæða á hverjum tíma og fer dýpra en flestir sem ég hef áður leitað til. Takk kærlega fyrir mig kristján.

    Júlíana kr. Kristjánsdóttir
  • Ég leitaði til Kristjáns vegna andlegrar líðan og samskiptavandamála. Ég hafði farið til sálfræðings og lesið sjálfshjálparbækur, það hjálpaði eitthvað en var ekki nóg, það var alltaf eitthvað sem ég náði ekki að vinna með eða átta mig á hvað væri. Í dag er ég mun meðvitaðri um tilfinningar mínar. Ég hef lært og er enn að læra að allar tilfinningar eiga rétt á sér og það sé í lagi að líða allskonar. Það sem er mikilvægt er að samþykkja tilfinningar sínar og leyfa þeim svo að fara sína leið. Ég hef líka lært hversu mikilvægt það er að þekkja sín gildi og mörk. Fylgja þeim og láta vita ef gengið er yfir þau. Það les engin hugsanir og því mikilvægt að láta vita ;). Ég hef líka lært að bera ábyrgð á tilfinningunum mínum. Ég trúi því að ég á það allra besta skilið og leyfi mér að njóta lífsins. Ég upplifi sjálfan mig sterkari og óhræddari við að standa með mér. Ég finn að ef ég er heiðarleg, hrein og bein þá eru samskiptin og mörkin mun skýrari. Ég fer mun sjaldnar í þóknunarhlutverkið og það gefur mér meiri orku og bjartsýni. Kristján er góður hlustandi, tímarnir geta verið krefjandi, sem er gott því þá veistu að það er einhver vinna í gangi. Það er verið að kryfja málin. Kristján er ótrúlega fljótur að sjá og finna ef það eru einhverjar tilfinningar eða atvik sem þarf að vinna með. Hann er góður leiðbeinandi og hefur þá sýn á lífið að það er auðvelt að treysta honum. Hann hefur mikið að gefa. Fyrir þá sem eru tilbúnir til að vinna í sjálfum sér mæli ég hiklaust með Kristjáni. Hann kennir manni leiðir og sýnir hvernig maður getur tekist á við sjálfan sig og unnið sig frá erfiðum tilfinningum og byggt sig upp að nýju, sem sterkari, jákvæðari og meðviðtaðri einstaklingur.

    Guðrún Ólafía Brynleifsdóttir
  • Ég leitaði til Kristjáns því mig langaði til að bæta við styrk minn, auka andlega vellíðan og takast á við djúpa sorg. Ég hafði prófað heilun og unnið töluverða sjálfsvinnu í gegnum námskeið, lestur bóka og fróðleik á netinu með góðum árangri, en mig langaði að bæta við mig ennfrekar og tókst það mjög vel með hans aðstoð. Eftir vinnuna með Kristjáni finn ég mikinn mun á styrk mínum. Sjálfstraustið hefur aukist til muna og ég upplifi almennt fyrir meira öryggi í lífinu. Ég finn minna fyrir bakverkjum í mjóhrygg og aukna vellíðan í daglegu lífi. Andlegur styrkur er meiri og sorgartilfinning hefur minnkað verulega. Í staðinn hefur bjartsýni og kyrrð komist á hugann. Kristján er einstaklega næmur og hlýr, hann hefur þægilega nærveru og kemur reynsla hans á sviði andlegra mála glögglega í ljós í hverjum tíma. Stuðningur hans og hvatning var ómetanlegur. Ég vil þakka Kristjáni fyrir alla hjálpina, samvinnuna og frábæran og skemmtilegan tíma síðustu 6 mánuði. Ég mæli með honum við alla þá sem eru tilbúnir og langar að vinna í sjálfum sér og bæta líðan sína á öllum sviðum.

    Nanna
  • Ég taldi mig ekki þurfa neina aðstoð, þótti mín vandamál vera minni heldur en hjá öðrum og fannst ég ekki eiga það "skilið" að trufla aðra með mínum vandamálum. Ég hef öðlast meira sjálfstraust, ég þori að segja hvernig mér líður. Ég hef einnig áttað mig betur á því hvað skiptir máli, fjölskyldan mín. Það sem hjálpaði mér sérstaklega þar voru bæði samtölin við Kristján sem og þau tæki og tól sem hann kenndi mér. Þakklætisdagbókin fékk mig til að opna hugann og allar æfingarnar sem hann kenndi mér hafa hjálpað mér mjög mikið. Ég er að upplifa miklu meiri bjartsýni og betri samskipti bæði heima fyrir og í vinnu. Eftir þessa 6 mánuði okkar saman er ég miklu orkumeiri, tilfinningalega opnari, bjartsýnni og leyfi mér að vera spenntur fyrir ótrúlegustu hlutum. Kristján fær mann til að grafa djúpt, að vinna úr sínum málum er erfitt en mjög nauðsynlegt fyrir alla sem finna fyrir andlegum þunga. Ég fann frá fyrstu mínútu traustið og einlægnina frá Kristjáni sem varð til þess að við náðum þeim árangri og miklu meiri í raun en ég hafði talið mig getað náð. Takk fyrir allt Kristján!

    Árni Gísli Brynleifsson
  • Ég færi Kristjáni Viðari mínar bestu þakkir fyrir hjálpina í krabbameinsveikindum mínum. Heilunartímarnir hjá honum hafa hjálpað mér gríðarlega í gegnum lyfjagjöfina og fleytt mér áfram til betri heilsu í þessari erfiðu meðferð. Ég mæli með honum af heilum hug og vona að sem flestir fái notið krafta þessa hæfileikaríka heilara.

    Rannveig Þyri Guðmundsdóttir
  • Ég hef verið að glíma við vandamál í baki í mörg ár sem lýstu sér helst þannig að ég átti það til að festast í baki og fékk mikla verki. Eftir að ég hafði farið í meðferð hjá Kristjáni í nokkur skipti varð ég mun betri og hef varla orðið var við vandamálið síðan. Mun mýkri í bakinu og nánast verkjalaus.

    Rúnar Róbertsson
  • Ég leitaði til Kristjáns vegna þess að ég fann til óöryggis og var í töluverðu ójafnvægi. Ég hafði áður prófað að leita til sálfræðings sem hjálpaði í byrjun en ég staðnaði svo. Eftir vinnunna með Kristjáni hefur öryggi mitt komið aftur og ég orðinn meira ég sjálfur á nýjan leik. Ég kann núna að jarðtengja mig og setja mig í fyrsta sæti. Á einfaldara með að skilja mínar eigin tilfinningar. Kristján hefur góða nærveru, þægilegur og afslappaður. Þú þarft ekkert að vita hvað þú ætlar að segja eða tala um. Hann leiðir þig áfram. Hann gerði kraftaverk fyrir mig!  Fær mín bestu meðmæli!

    Andreas Boysen
  • Ég leitaði til Kristjáns vegna andlegra og líkamlegra vandamála. Ég hafði áður prófað slökun og hugleiðslu sem hjálpaði mér fullt, ásamt reglusamlegu líferni. Eftir vinnuna með Kristjáni er mjög margt sem ég er mun meðvitaðri um. Ég horfi á lífið með allt öðrum augum, upplifi mig ekki eins mikið sem fórnalamb og tek hluti minna inná mig. Ég er í nánari tengslum við mig sjálfa og finn meiri ró. Ég á í betri samskiptum við fólkið í kringum mig og sé mun bjartari framtíð en ég gerði áður. Svo er ég ekki eins gagnrýnin á sjálfa mig. Hann hjálpaði mér fullt, hefur góða nærveru og hlýtt hjarta.

    Guðlaug Pétursdóttir

Er ekki kominn tími á breytingar?

Þjáist þú af vanlíðan, kvíða, orkuleysi og lélegri sjálfsmynd? Áttu erfitt með að setja skýr mörk og lætur þarfir annara ganga fyrir? Finnst þér þú vera fastur eða föst í sama farinu? Kemur þetta í veg fyrir að þú náir að lifa því lífi sem þig langar?

Langar þig að komast upp úr því fari sem þú ert í núna og gera hlutina með öðrum hætti? Ef svar sitt er já, er góður möguleiki á því að þú sért á réttum stað.

Bókaðu ókeypis tíma í “Stöðumat og framtíðarsýn” þar sem við skoðum hvað er að trufla þig og hvernig hægt er að gera varanlegar breytingar á lífi þínu og líðan.

Það er hægt að finna til meira öryggis, auka sjálfstraust sitt og upplifa meiri orku í daglegu amstri. En til þess að breyta lífi sínu þarf vilja og hugrekki til að líta inn á við. Allar breytingar kosta skuldbindingu og vinnu.

Tíminn tekur klukkustund og fer fram á stofunni minni í Bolholti 4. Það er engin skuldbinding fólgin í því að bóka tíma nema auðvitað að mæta. Ef við náum vel saman mun ég deila með þér upplýsingum um það hvernig ég get aðstoðað þig við að ná markmiðum þínum.

Bókaðu frían tíma hér fyrir neðan!

Hleð inn ...
  • Ég var búin að finna fyrir mikilli depurð og kvíða í nokkurn tíma. Þegar ég hitti Kristján fékk ég mörg verkfæri til að hjálpa mér við að kljást við kvíðan. Eftir aðeins nokkra tíma fór að draga mikið úr kvíðanum og depurðinni.

    Ebba Ósk Jóhannsdóttir
  • Að fara til Kristjáns Viðars er eins og að eignast fjársjóðskort og góðan áttavita til að leita að eigin fjársjóði. Á áfangastað bíður síðan lykill og olíukanna ef skráin skyldi vera orðin ryðguð.

    Birna G. Konráðsdóttir
  • Þegar ég ákvað að fara í heilun til Kristjáns var ég ekki með neitt sérstakt í huga nema ég hafði verið frekar orkulaus og langaði að bæta orkuflæðið hjá mér. Það lagaðist svo sannarlega plús það að heyrnin mín sem hafði verið að versna varð mun betri. Hæfni mín til þess að halda athygli jókst líka verulega en það hafði verið ákveðið vandamál hjá mér. Ég er þakklát og glöð.

    Íris Aðalsteinsdóttir
  • Eftir erfiða tíma í mínu lífi leitaði ég mér aðstoðar hjá Kristjáni Viðari. Strax eftir fyrsta tíma fór ég að taka eftir jákvæðum breytingum. Nú hef ég mætt til hans í nokkur skipti og er greinilega mun orkumeiri og lífsvilji minn og bjartsýni hafa aukist mikið. Ég hef líka tekið eftir því að þyngsli fyrir brjósti eru mun minni.

    Sveinbjörn R. Auðunsson
  • Ég var búin að vera ofboðslega þreytt og orkulaus lengi í kjölfar veikinda. Þegar eiginmaður minn greindist með sjúkdóm líka þá var mér allri lokið. Eftir að ég rakst á auglýsingu fór ég á fyrirlesturinn Hvað er heilun sem Kristján flutti. Síðan hef ég farið til hans nokkrum sinnum, fyrst frekar þétt en seinna sjaldnar og ég er allt önnur manneskja. Kristján er alveg óskaplega hlý manneskja sem gott er að tala við um allan tilfinningaskalann. Honum hefur tekist að hjálpa mér að horfast í augu við ýmislegt í mínu lífi sem ég hafði ekki tekist á við heldur ýtt til hliðar. Ég komst að því að óuppgerðar tifinningar geta hlaðist upp og gert manni óleik. Eftir tíma hjá Kristjáni er ég yfirleitt full af orku og innri ró. Ég get hiklaust mælt með honum því líf mitt hefur tekið miklum breytingum til hins betra frá því ég hitti hann fyrst

    Sigrún Birgisdóttir
  • Þegar ég hitti Kristján Viðar í fyrsta skipti þá var ég að rísa upp úr andlegu áfalli og ofsakvíða, var komin vel af stað í bata en átti enn langt í land. Vinkona mín hafði mælt með honum og sagt að ég bara yrði að fara til hans. Ég gleymi seint fyrsta tímanum, ég steig nærri endurfædd út úr honum. Kristján hlustar án þess að dæma og gefur síðan nýja sýn. Hann kemur fram af virðingu og mildi.  Að fara á bekkinn hjá honum er eins og að skreppa til himnaríkis. Ég fór strax að styrkjast á sál og líkama. Varð alltaf sterkari og sterkari eftir hvern tíma. Í dag er ég sterkari en nokkru sinni fyrr. Ég hef ögrað sjálfri mér með því að takast á við ný verkefni sem mér hefði aldrei dottið í hug að ég ætti efitir að framkvæma. Ég hef náð betra sambandi við sjálfa mig og öðlast sátt við sjálfa mig og almættið. Ég mæli hiklaust með því að fara í heilun hjá Kristjáni

    Þorbjörg Bjarnadóttir
  • Ég vissi ekki alveg hvað ég var að fara útí þegar ég skráði mig á Brennan fræðslufundi hjá Kristjáni. Það tók mig dágóðan tíma að treysta og meðtaka, en þegar sá sigur var unninn, fóru hlutirnir að gerast. Þessi hópvinna hjálpaði mér að vinna með erfiðar tilfinningar sem lágu djúpt innra með mér og ollu mér sálrænum og líkamlegum kvillum sem til þessa höfðu verið mér til trafala í lífinu. Þannig tókst mér að stíga út fyrir þægindarammann, að treysta öðrum, hlusta á líkamann og átta mig á að ekki er allt sem sýnist. Þessi vinna var mjög áhrifarík. Ég hef náð betri sambandi við kjarnann í sjálfri mér sem hefur stuðlað að betra lífi fyrir mig.

    Vigdís Heiðrún Viggósdóttir
  • Ég fór til Kristjáns fyrst af því að ég heyrði vinkonu tala um hvað hann væri að hjálpa henni mikið. Fór í raun til hans fyrir forvitnis sakir, til að athuga hvað hann gæti e.t.v. gert fyrir mig. Með engar beinar væntingar og mikla forvitni að leiðarljósi þá hefur mér líkað svo vel að núna ári seinna er ég enn að mæta og vinna með sjálfa mig. Kristján hefur hjálpað mér að fletta hverju laginu af öðru af og í ljós er að koma mun heilsteyptari manneskja sem skilur sjálfa sig betur. Ég hlakka til hvers tíma, veit oft ekki hvað ég er að fara að ræða þegar ég kem í tímann en er samt aldrei uppiskroppa með umræðuefni!!! Ég er í betra jafnvægi, á betri samskipti við fólk í kringum mig og er ánægð með að vera farin að finna á ný fyrir mismunandi tilfinningum en áður var ég orðin frekar dofin! Kristján hefur hjálpað mér að skilja lífið betur og það er alltaf gott að leggjast á bekkinn og koma endurnærð út aftur.  

    Kolbrún Rakel Helgadóttir
  • Árum saman hef ég glímt við lélegt sjálfsmat, þunglyndi og stoðkerfisveikindi og hef nokkrum sinnum reynt að leita mér aðstoðar, en jafn harðan gefist upp, bæði vegna skilningsleysis meðferðaraðila og lítils sjálfstrausts. Kristján hefur hjálpað mér mikið við að skoða fortíðina upp á nýtt, hann er gæddur þolinmæði, skilningi og þessari miklu einlægni sem er svo nauðsynleg. Hann er næmur heilari og hver tími skilar mér áfram í áttina að betri skilningi á sjálfri mér og þar með betri líðan í alla staði. Ég hef einnig prófað fjarheilun hjá Kristjáni með undraverðum árangri. Traust er lykilatriði eigi heilunartíminn að skila árangri og Kristján er fyllilega traustsins verður.

    María Jónsdóttir
  • Ég var lengi búinn að vera með kvíða og sjálfstraustið var alveg í molum. Í raun alveg gjörsamlega niðurbrotin til margra ára á sál og líkama. Ég átti erfitt með svefn og þótti erfitt að vera innan um fólk.Ég rakst fyrir tilviljum á umsagnir frá fólki um Kristján á netinu. Ég hugsaði með mér að það væri alveg til þess vinandi að prófa þetta þar sem ég hafði aldrei gert neitt í mínum málum fyrr. Eftir fyrsta tímann fannst mér þungu fargi af mér létt og við hvert skipti sem ég fór til Kristjáns leið mér alltaf betur og betur. Fljótlega þurfti ég ekki að taka svefntöflur til þess að sofna en þær hafði ég tekið í mörg ár. Kristján kenndi mér æfingar sem ég geri á hverjum degi. Þær hafa hjálpað mér mikið. Að hafa farið í tíma til Kristjáns hefur gjörbreitt lífi mínu til hins betra.

    Sólrún Sigurðardóttir

Vertu með!

Skráðu þig á póstlistann og fáðu sendar fréttir og pistla

Hafðu samband

Sendu mér skilaboð og ég hef samband við fyrsta tækiæri

Ekki læsilegt? Skipta um texta. captcha txt