Ég leitaði til Kristjáns vegna þess að ég var mjög týnd á alla vegu. Þurfti að finna tæki og tól til þess að læra að hlusta á mig sjálfa og átta mig á minni líðan. Ég hafði prófað að fara til ráðgjafa, sálfræðings og al-anon fundi fyrir aðstandendur. Þær breytingar sem orðið hafa á lífi mínu vegna vinnunar með Kritjáni eru breytingar sem þurftu að eiga sér stað.  Ég á auðveldara með að finna mína eigin hamingju og mér finnst ég vera á réttri braut. Nú kann ég betur að hlusta á mig og þegar ég tek ákvörðun þá er það ákvörðun sem ég vel að taka af því það er best fyrir mig. Líðan mín er allt önnur eftir að ég fór að vinna með Kristjáni. Ég sé hlutina öðruvísi og ef mér líður ekki vel, þá veit ég hvað ég þarf að gera til þess að laga það. Það er eins og ég sjái skýrar eftir að ég fór að vinna með honum ef ég get orðað það svoleiðis. Ég myndi mæla með Kristjáni vegna þess að þetta er ekki bara einn tími sem maður mætir í, og svo sérð þú um rest, heldur er þetta vinna sem marg borgar sig tilbaka. Þetta er öruggur staður og maður finnur svo mikið fyrir jákvæðu orkunni. Það er allt annað að vera á þannig stað þar sem maður finnur fyrir svona öryggi. Þegar ég fór að mæta til Kristjáns fór ég að sjá skýrar, hugsaði skýrar og varð besta útgáfan af sjálfri mér. Það gerði mér kleift af sjá allt það sem ég er og það sem lífið hefur uppá að bjóða. Ég skil betur hvað þakklæti er og hvernig ég get tæklað erfiða hluti í lífinu ásamt því að sjá allt það fallega sem er fyrir framan mig akkúrat hér og nú. Ég hef farið í allskonar vinnu en það hefur aldrei neinn kennt mér hvernig ég get fundið sjálf út úr þeim svörum sem ég þarf, eins mikið og Kristján kenndi mér. Ég er svo óendanlega þakklát fyrir allt það sem ég lærði á þessum tíma sem við unnum saman.

Ég fór að vinna með Kristjáni til þess að stilla mig af, finna sjálfa mig upp á nýtt og vinna í meðvirkni og áföllum.Áður hafði ég prófað sitt lítið af hverju, dáleiðslu, heilun og sálfræðing. Skilaði allt einhverjum árangri, en ekki varanlegum. Í dag er ég farin að leyfa mér að finna fyrir tilfinningunum mínum og gefa þeim pláss í stað þess að grafa þær niður og keyra áfram. Ég stunda þakklæti á hverjum degi og er farin að setja meira traust út í lífið vitandi það að ég get ekki stjórnað neinu nema mínum eigin viðbrögðum. Ég er betur í stakk búin til þess að taka á þeim vandamálum sem koma upp og það hefur gert það að verkum að það er meiri ró yfir sjálfri mér og fjölskyldunni heldur en nokkurn tíman áður. Ég þekki sjálfa mig betur og gef mér meira rými. Á heildina litið myndi ég telja að ég sé bjartsýnni á lífið og farin að setja öðrum heilbrigðari mörk. Kristján hefur einstaklega góða nærveru og er annt um velferð skjólstæðinga sinna. Hann hefur góða eftirfylgni sem ég tel vera gríðarlega mikilvæga í hnitmiðaðri sjálfsvinnu. Hann mætir fólki á þeim stað sem það er og hjálpar þeim að fá aðra sýn á sjálft sig og aðstæður sínar með þeim verkfærum sem hann hefur í kassanum hjá sér. Ég get mælt með Kristjáni við alla þá sem eru tilbúnir að taka skref í átt að bættri líðan. Takk fyrir mig og samveruna Kristján, þú hefur sjaldgæfa gjöf í þinni vinnu og ég er viss um að hún kemur til með að hafa meiri áhrif en þig grunar í margfeldinu.

Ég leitaði til Kristján vegna andlegra og samskiptalegra vandamála.Ég hafði áður farið til sálfræðings sem var fínt til að byrja með. Eins hafði ég líka farið  til markþjálfa sem var líka góður undirbúningur.Í dag er ég búin að fá sjálfstraustið mitt að mestu leyti til baka aftur. Ég finn mikið minna fyrir kvíða. Ég veit betur hversu mikils virði ég er og hvernig virðingu og framkomu ég á skilið.Eftir vinnuna með Kristjáni er ég er bjartsýnni, hamingjusamari, líður almennt betur og betri í samskiptum.Mér fannst gott að tala við hann og hann er skilningsríkur. Svo er stofan hans rólegt umhverfi og verkefnin góð bæði núna og eins fyrir framtíðina.

Ég leitaði til Kristjáns því ég var að glíma við andleg vandamál og áföll frá æsku. Ég hafði farið til nokkurra sálfræðinga án árangurs. Kristján hefur fært mér mikilvæg verkfæri sem hjálpa mér að sjá lífið í nýju og betra ljósi. Líðan mín hefur breyst til hins betra eftir að hafa unnið með honum. Hann sýndi mér leiðir til að bæta líf mitt og líðan til hins betra og verð ég honum ævinlega þakklát fyrir það. Eftir að hafa farið til nokkurra sálfræðinga án árangurs þá taldi ég að ekkert væri hægt að gera fyrir mig. Svo heyrði ég af Kristjáni og ákvað að gera eina tilraun enn í að reyna að fá aðstoð. Kristján hefur svo sannarlega aðstoðað mig gríðarlega mikið, hefur mjög mikla þekkingu á sínu sviði og mikill fagmaður. Hans þekking hefur hjálpað mér meira en nokkur önnur aðstoð sem ég hef leitað eftir. Mig langar að þakka þér kærlega fyrir allt sem þú hefur gert fyrir mig, með þinni aðstoð er framtíðin orðin björt og mun ég verða þér ævinlega þakklát.

Ég leitaði mér aðstoðar hjá Kristjáni vegna áskorana í sambandi og vegna andlegra og líkamlegra einkenna. Eina sem ég hafði prófað áður var að ég fór til ráðgjafa fyrir um 20 árum, enn það skilaði ekki miklu, var trúlega ekki tilbúinn sjálfur. Eftir vinnuna með Kristjáni hef ég miklu betri stjórn á m.a kvíða og þar með eigin líðan. Ég á auðveldara með að vera í núinu. Ég hef miklu meira sjálfstraust, meiri orku og hugsa minna um hvað öðrum finnst. Heldur skoða ég frekar hvernig mér líður með það sem ég tek mér fyrir hendur. Kristján er mjög faglegur og hefur sérstaklega þægilega nærveru. Var algjörlega rétti aðilinn fyrir mig. Ég mæli sannarlega með Kristjáni fyrir þá sem þurfa að vinna í sjálfum sér.

Ég leitaði til Kristjáns því mig vantaði að komast út úr lífsmunstri  sem ég hafði skapað og var ekki að virka fyrir mig. Ég hafði áður prófað hugleiðslu og jóga sem hafði virkað vel. Í dag er ég  jarðtengdari og lifi í núinu. Ég er hamingjusöm með lífið. Ég er orkumeiri, finn friðsæld innra með mér sem var ekki áður, og treysti sjálfri mér meira til að takast á við verkefnin sem lífið færir mér. Kristján hann hlustar, fer í gegnum erfiða hluti með alúð og hefur þau verkfæri sem þarf til að geta hjálpað. Takk fyrir mig, Kristján. Ég verð alltaf þakklát fyrir að hafa tekið þá ákvörðun að vinna með þér. Ég algjörlega elska lífið mitt í dag!