fbpx

Brennan heilun

Brennan heilun er vandlega úthugsað og margreynt orkuheilunarkerfi. Það er ennþá í þróun þar sem þekking og reynsla er sífellt að aukast. Stöðugt er verið að gera rannsóknir og skoða hina ýmsu þætti orkukerfi mannsins og tengsl þess við umhverfið.

Barbara Brennan

Barbara Ann Brennan er stofnandi skólans sem nú hefur starfað í 38 ár. Hún er eðlisfræðingur og fyrsta konan til að vinna fyrir Geimferðastofnun BandaríkjannaNASA. Barbara er doktor í Heimspeki og trúarbragðafræði. Hún útskrifaðist líka frá The Institute of Core Energetics og svo er hún Senior Pathwork® Helper. Barbara hefur skrifað tvær metsölubækur Hands of Light og Light Emerging sem eru viðurkennd grunnrit í heimi óhefðbundinna aðferða til að hjálpa fólki til betri heilsu. Báðar bækurnar hafa verið þýddar á fjölmörg tungumál. Hands of light hefur verið þýdd á íslensku og heitir Hendur ljóssins. Ný bók frá Barböru kom svo út á Síðasta ári Cor Light Healing.

Brennan heilun
Brennan heilun

Brennan skólinn

Barbara Brennan School of Healing var stofnaður 1982 og hefur útskrifað yfir 3000 heilara frá yfir 50 löndum. Skólinn er í dag staðsettur á tveimur stöðum í heiminum. Í Florida eru höfuðstöðvar skólans en svo er hann líka starfandi í Oxford í Englandi. Það tekur 4 ár að læra Brennan Heilun og er aðeins hægt að læra hana í þessum skólum Barböru. Námið er viðurkennt háskólanám og í Flórída í Bandaríkjunum þar sem skólin er búin að starfa lengst er hægt að útskrifast með Bachelor of Schience gráðu auk hefðbundinnar diploma gráðu. Auk þess er hægt að taka 3 ár í viðbót til þess að öðlast kennararéttindi við Skólann. Það er mjög auðvelt að hafa áhrif á orkusvið annarra. Við gerum það öll á hverjum degi í okkar daglegu samskiptum. Fagkunnátta felst að miklu leiti í því að hafa góða stjórn á eigin orkukerfi sem og að hafa góða stjórn á heilunartækni til þess að vinna með kúnnum. Heilari þarf að þekkja og skilja grundavallaratriði og lögmál orkusviðsins, líffæra og lífeðlisfræði, hvernig maður getur stjórnað og haft áhrif á eigið orkusvið og haft samskipti við aðra á heilandi hátt. Brennan heilun er samofið kerfi heilunartækni, eigin heilunar og persónulegs þroska. Í dag eru 7 Íslendingar útskrifaðir sem Brennan heilarar. Hér er hlekkur á heimasíðu skólans.

Helstu bækur barböru Brennan

Fyrsta bók Barböru “Hands of Light®—A Guide to Healing Through the Human Energy Field” kom út árið 1989. Alveg frá útkomu bókarinnar hefur hún verið grunnrit á sviði orku og andlegrar heilunar sem oft er vísað í. Hún hefur verið þýdd á 26 tungumál og selst í yfir milljón eintökum víða um heim. Bókin var gefin út í íslenskri þýðingu árið 1992. Á íslensku heitir bókin “Hendur ljóssins” . Bókin hefur verið ófánaleg á Íslensku í mörg ár. Hægt er að nálgast bókina í sumum bókasöfnum. Hér er hægt að kaupa hana á ensku.

Önnur bók Barböru Brennan “Light Emerging—The Journey of Personal Healing” kom út árið 1993. Hún varð líka metsölubók víða um heim í flokki nýaldar bóka. Light Emerging hefur ekki verið þýdd á íslensku en á mörg önnur tunugumál. Hér er hægt er að kaupa hana á ensku.

Þriðja bók Barböru í bókaröðinni kom svo út árið 2019 og heitir “Core Light Healing”. Core Light Healing gefur hinum bókunum ekkert eftir og er á margan hátt eðlilegt framhald. Þessi síðasta bók Barböru hefur ekki verið þýdd á íslensku. Hér er hæst að kaupa hana á ensku.

  • Þegar ég ákvað að fara í heilun til Kristjáns var ég ekki með neitt sérstakt í huga nema ég hafði verið frekar orkulaus og langaði að bæta orkuflæðið hjá mér. Það lagaðist svo sannarlega plús það að heyrnin mín sem hafði verið að versna varð mun betri. Hæfni mín til þess að halda athygli jókst líka verulega en það hafði verið ákveðið vandamál hjá mér. Ég er þakklát og glöð.

    Íris Aðalsteinsdóttir
  • Eftir erfiða tíma í mínu lífi leitaði ég mér aðstoðar hjá Kristjáni Viðari. Strax eftir fyrsta tíma fór ég að taka eftir jákvæðum breytingum. Nú hef ég mætt til hans í nokkur skipti og er greinilega mun orkumeiri og lífsvilji minn og bjartsýni hafa aukist mikið. Ég hef líka tekið eftir því að þyngsli fyrir brjósti eru mun minni.

    Sveinbjörn R. Auðunsson
  • Ég var búin að finna fyrir mikilli depurð og kvíða í nokkurn tíma. Þegar ég hitti Kristján fékk ég mörg verkfæri til að hjálpa mér við að kljást við kvíðan. Eftir aðeins nokkra tíma fór að draga mikið úr kvíðanum og depurðinni.

    Ebba Ósk Jóhannsdóttir
  • Að fara til Kristjáns Viðars er eins og að eignast fjársjóðskort og góðan áttavita til að leita að eigin fjársjóði. Á áfangastað bíður síðan lykill og olíukanna ef skráin skyldi vera orðin ryðguð.

    Birna G. Konráðsdóttir
Hafðu samband

Sendu mér skilaboð og ég hef samband við fyrsta tækiæri

Ekki læsilegt? Skipta um texta. captcha txt